විළඳගොඩ රාජධානිය
ශ්‍රී ලංකාවේ වයඹ පළාතේ පුත්තලම දිස්ත්‍රික්කයේ පුලියන්කුලම ගම්මානයේ පිහිටා ඇත. පුත්තලම-අනුරාධපුර මාර්ගයේ 17 කණුව මංසන්ධියේ සිට කිලෝමීටර් අටක් පමණ ඇතුළට වන්නට පුලියමන්කුලම ගම්මානයේ මෙය පිහිටා ඇත.
දුටුගැමුණු මහ රජුගේ පුත් සාලිය කුමාරයාත් අශෝකමාලා කුමරියත් අනුරාධපුරයෙන් පැමිණ පුලියන්කුලම ගම්මානයේ විළඳගොඩ විසූ බව ජනප්‍රවාදයේ සඳහන් වේ. අනුරාධපුරයෙන් පිටත් වූ සාලිය කුමරු එක්තරා දිනක දුටුගැමුණු රජතුමා මුණ ගැසී විළඳ පූජා කළ බවත් ඒ විලඳ ප්‍රමාණය සේ ප්‍රදේශයේ වෙහෙර විහාර ඉදි කරන ලෙසත් කුමරුට රජතුමා පැවසූ බවද ජනප්‍රවාදයේ සඳහන් වේ. ඒ නිසා මෙසේ ඉදිකළ පූජා භූමිය විළඳගොඩ ලෙස නම් කල බව කළ බව ප්‍රසිද්ධ කරුණක් වේ. විශාල වනාන්තර කෙලෙසක ගල් ලෙන් හැට හතරක් පිහිටා ඇති අතර ඉතාම මනරම් පරිසරයක් දක්නට ලැබේ.. මෙහි අලංකාර දිය පොකුණු, කටාරම් කෙටූ ගල් ලෙන්, සෙල්ලිපි, සාලියරාජ පොකුණ, මකර තොරණ සහිත විහාරය දක්නට ලැබේ. මෙහි විශ්මිත බැලුම්ගල දුටුවන්ගේ නෙත් සිත් ඇද ගනී. මෙම ගල විශාල ගල් පර්වතයක් මත අඩු ඉඩකින් සම්බන්ධවී ඉහළටම විහිදී තිබේ. ගල් කුළුණු මත ගල් වලින් වැසූ පියනක් දිස්වන අතර කිසිවෙකුට මෙහි මුදුනතට ළඟා විය නොහැකිය.
එසේම මෙම මකර තොරණ සහිත විහාර ගෙය පිහිටි ගලක් මත මනාව කට කැපූ ගල් කුට්ටි යොදා බදාමෙන් තොරව අත්තිවාරම් සකස් කර තිබේ. බිත්ති වැදීමට අනුරාධපුර පූජා භූමියේ දක්නට ලැබෙන විශාල ගඩොල් යොදා ගෙන තිබේ. ගලක් මත පඩිපෙළ කපා සකස් කළ දිය පොකුණක්ද දක්නට ලැබේ.
1995.12.31 මෙම ගම්මානයට කොටි ත්‍රස්තවාදී ප්‍රහාර එල්ල වීමත් සමග මෙම උතුම් පින් බිම අභාවයට ලක්විය. නමුත් තවමත් මේ තුළ වටිනා නටබුන් දක්නට ලැබේ.
No comments:
Post a Comment