රාජාංගනය කලාඔය හරස් කර මීටර 350ක් පමණ දිග වේල්ලක් ඉදිකර තනා ඇති රාජාංගනය ජලාශය රජරට වාරි තාක්ෂණයේ තවත් එක් පිළිඹිබුවකි. මෙම වැව ඝනමීටර් මිලියන 100.37 ක් නැතහොත් ඝනඅඩි මිලියන 3545 ක ( අක්කර අඩි 86000 ක ) ජල ධාරිතාවයකින් යුතු ජලාශයකි. මෙහි සමස්ත ජල පෝෂක ප්‍රදේශය හෙක්ටයාර 76863.6 ක් පමණ වේ.
කුරුණෑගල හා අනුරාධපුර දිස්ත්‍රික්ක දෙකෙහිම සීමාවේ ව්‍යාප්තව ඇති රාජාංගනය ජලාශය යටතේ වගා කෙරෙන සමස්ත වගා බිම් ප්‍රමාණය අක්කර 22500 ක් පමණ වේ. ඉන් අක්කර 17000 ක් පමණ කුඹුරු ඉඩම් වන අතර ඉතිරිය හේන් වගා බිම් හා උස්සාන වාරි ගොවි බිම් ය. මෙම ගොවි බිම්වලට අමතරව නීලබැම්ම ව්‍යාපාරයට, අංගමුව වැව, තුමුල්ලේගම වැව හා එළුවන්කුලම වැවට ජලය සැපයේ. ඒ යටතේ විශාල ගොවිබිම් ප්‍රමාණයක් වගා කෙරේ.
1964 වසරේ ආරම්භ කල රාජාංගනය ගොවි ව්‍යාපාරය 1968 වසරේදී වැව ජලයෙන් පිරවීමත් සමගම මෙරට ජනතාවට බත සපයන සශ්‍රීක ගොවි ව්‍යාපාරයක් බවට පරිවර්තනය විය. මෙය ලංකාවේ ජලාශ අතරින් විශාලත්වයෙන් හත්වැනි ස්ථානය ගනී.
No comments:
Post a Comment